ЦАГАА ОЛСОН ГАНЦХАН ҮГ...

Навсайсан цаас, тоостой комьпютер

Хэрэггүй юм шиг хэвтэх бал

Хэрэгтэй ч юм шиг дэлгээтэй ном

Тал уусан аягатай хар кофе

Тал бүрд наалттай бяцхан тэмдэглэлүүд

Эхнэрийн минь бэлэглэсэн савтай кактус

Үнэнч найз минь бас тэнд цэнэггүй хэвтэнэ...

Өглөөнөөс хойш шагайсаар нүд минь чилжээ

Үе үехэн балгасаар цээж минь хорсжээ

Ажлын цаг дуусахад аравхан минут үлдэж

Ай, тэгтэл хийсэн юм хаана байнаа...?

Залхтал суусан атал барих юмгүй өдөр

Заримдаа бас таарах л юмдаа