ЦАГАА ОЛСОН ГАНЦХАН ҮГ...

Би өөрөө олон янзын ажил хийж олон ааштай дарга нартай ажиллаж байсан. Мөн олон ч залуу, хөгшин, эрэгтэй, эмэгтэй, эрх, эрэмгий, дайчин, хулчгар хүмүүстэй хамтран ажиллаж заримдаа ч даргалж байлаа. Мэдээж надад өөрийн гэсэн овойж оцойсон өмч хөрөнгө байхгүй, эцэг эхээс өвлөөд ирсэн өв хөрөнгө ч дулимаг тул амьдралаа хүнээс дооргүй авч явахын тулд хэн нэгний удирдлага дор ажиллаж тэднийг хүлээн зөвшөөрөх үедээ хүлээн зөвшөөрч заримдаа ч хармаан дотроосоо салаавч өгч, заримтай нь хэрүүл, хараал болон салж, заримтай нь уйлан хайлан салж ядаж байсаан.
"ЗАГАТНАСАН ГАЗАР...Зохиогч нь Анжгай шүү." цааш унших »

Бидний дуудаж бичдэгээр "ДАЛАН ХУДАЛ БА ЧИН ҮНЭН" блогын эзэн 35 буюу Вандандугар ертөнцийн мөнх бусыг үзүүлжээ.

Түүний интертнэт ертөнц дөх нөхөрсөг, шог наргианч, элгэмсэг дуу хоолой биднийхээ дунд үүрд мөнх орших болно.

Би бурхан болоочтой анх хэрхэн танилцаж байснаа энд орууллаа.

Диваажинд байгаа гэдэгт эргэлзэхгүй байгаа ч

Дотор минь бачимдах юм юуных вэ?

Нас өөрөө хэмжээтэй

Юм гэдэг данстай болохоор

Үйл бүрэн хариутай

Үйлдэл болгон шалтгаантай

Өдөр Шөнө ээлжилдэгшиг

Үнэн худал ээлжилдэг

Эр эм гэж байдаг шиг

Энэрэх хатуурхах бас байна...

Цагтаа цахилж явсан гөрөөс

Цагаа тулахаар үлийнд бүдэрч үхэх

Цагаан даавуу шиг явсан сэтгэл

Цайсан нүгэлтэнээр солигдох нь ч бас бий..

Итгэж явсан нөхөр ар нуруунд хутгалах

Ихэрхэж дээрэлхэж байсан нь аминд орох ч бас бий..

Учир шалтгаан гэдэг өгөө аваатай учираас

Уулын ар, өвөр адилхан байдаггүй учираас

Өнөө гомдоосон хэн нэгэнтэй

Маргааш нь чи тааралдана

Магад тэгэхэд та хоёр байраа сольсон байх вий..

Сайн байцгаана уу?
Монголчуудаа,
Нутаг нэгт, цуст нэгт ард түмэн минь ээ.
Төөрөлдсөн хүү Сүрэнхор би хүний нутагт нуугдаж, зүдэрч яваа ч та бүхнийхээ амрыг эрж, энэ захидлыг тэрлэж байна. "Үйлдвэр худалдааны төрийн нарийн бичгийн дарга байсан Д.Сүрэнхор" гэхээр бүгд шахуу мэдэж байгаа байх. Зарим нь намайг шууд л луйварчин, хулгайчаар минь дуудаж байгааг ч төсөөлж байна. Миний талаар өчнөөн л бичиж, муу муухайгаар минь ханатал дуудсан болохоор нэр минь хүн бүрт муугаар танил болоо биз дээ.
Гэхдээ мөн чанарыг минь хэн ч мэдэхгүй, таниагүй байгаа. Үнэндээ бол би өөрийгөө тийм ч хүнээ байчихсан, дүүрчихсэн амьтан гэж боддоггүй. Надад ичих нүүр, сэмрэх сэтгэл байдаг юм.
Би эх орноосоо зугтан гарсан тэр өдрөөс хойш өнгөрүүлсөн амьдралаа бодон хичнээн их шаналж, эргэцүүлснийг хэн ч мэдэхгүй. Би буруутай. Би улсын мөнгөнд хуруугаа дүрж, муу хүмүүсийн хөөргөн үгэнд сагаж явсан буруутай. Би буруу хэргийнхээ зэмийг хүртэх ѐстой, түүнээс яагаад ч зайлж чадахгүй гэдгээ өдөр ирэх тусам мэдэрч, үйлийнхээ үрийг эдлэн шимширч суугаа цөхөрсөн эр хүн. Үйлдсэн хэргээ бусдад тохох, зайлсхийх гэсэндээ биш ард түмнээ сэрэмжлүүлэх, анхааруулах ѐстой юм байна гэдгээ ухамсарласны үндсэн дээр би энэ захиаг зүрхэлж бичлээ.
"ЭНИЙГ УНШСАН ДЭЭР БАЙХАА..." цааш унших »

Сэрчихгүй л юм сан сайхан зүүднээсээ

Сэтгэл хоргодоод босож чадахгүй нь

Өнөө тасарсан Онги голд

Урьдынх шигээ хүрхэрсэн Улаан цутгаланд

Умбаж тоглож байна би.. битгий сэрээ..

Хүүхэд бужигнасан ногоон паркад

Хээвнэг идээшлэх халиун буга

Дэргэд нь бараадах хээрийн туулай

Эгээ л надад сонин байна.. битгий сэрээ

Харцага шувуу хотод минь шунгадаг байсан

Хилэм загас туулд минь шумбадаг байсан

Тул барьсанаа аавын минь найз гайхуулдаг байсан тэндээс

Тэрэн шиг би онгирох юмсан гэж боддог байсан

Биелэхээсээ өнгөрсөн нь ч битгий сэрээ

Зүүдэндээ хүслээ гүйцээмээр сэтгэл хоргодоод байна..

БИТГИЙ СЭРЭЭ.....